وەزارەتی تەندروستی عێراق، ئاماری پیشکەشکردنی خزمەتگوزارییە تەندروستییەکانی بۆ زیارەتکارانی بەشدار لە ڕێوڕەسمەکانی ”ئەڕبەعین” چلەی ماتەمینی شەهیدکردنی ئیمامی حوسێنی نەوەی پێغەمبەری محەمەد (د.خ) و ٧٢ هاوەڵی خستەڕوو، ئەوەی جێ سەرنجە لە ئامارەکاندا ٦١٦ حاڵەتی لەدایک بوون تۆمارکراون.
ئەمڕۆ یەکشەممە ٣ی ئەیلولی ٢٠٢٣، ساڵح مەهدی ئەلحەسناوی، وەزیری تەندروستی عێراق، پێشکەشکردنی خزمەتگوزاری تەندروستی بۆ زیاتر لە ٤ ملیۆن و ٧٥٣ هەزار سەردانیکەر لە سەرەتای دەستپێکردنی پلانی پاڵپشتی تەندروستی بۆ مەراسیمی چلەی ئیمام حسێن ڕاگەیاند.
ئەلحەسناوی، ڕایگەیاندووە؛ “نەخۆشخانەکان، بنکە تەندروستییە تایبەتمەند و سەرەتاییەکان، تیمە پزیشکییە جێگیر و گەڕۆکەکان، پزیشکی سەربازی، پزیشکی فریاکەوتن، مانگی سوور، و تیمە تەندروستییە خۆبەخشەکان ٢٤ کاتژمێر بەردەوامن لە پێشکەشکردنی خزمەتگوزارییە تەندروستییەکان” بۆ سەردانیکەران لە کەربەلا و ئەو ڕێگایانەی کە سەردانیکەران دەیگرنە بەر.
وەزیری تەندروستی عێراق ئاماژەی بەوەشکردووە، “ئاماری خزمەتگوزارییە تەندروستییەکان لە چوارچێوەی پلانی پاڵپشتی تەندروستی بۆ زیارەتی چلەی ئیمام حسێن و هاوەڵانی بەم شێوەیە بووە؛
پێشکەشکردنی خزمەتگوزاری تەندروستی بۆ نزیکەی (٤،٧٥٣،٢٣٨) سەردانیکەر.
– ژمارەی پشکنینی تیشکی ئێکس، (١٠١٣٣)
– ژمارەی سکانی MRI (١٥٧٠)
-ژمارەی پشکنینی سۆنەر (٢١٨٧)
– ژمارەی پشکنینی تاقیگەیی (٤٣ هەزار و ٦٤٨) کەس.
– ژمارەی نەشتەرگەرییەکان (٧٩٥).
– ژمارەی لەدایکبوون (٦١٦).
– ژمارەی حاڵەتە فریاگوزاریەکان کە بە فریاگوزاری سەرەتایی گواستراونەتەوە (٣ هەزار و ٢٢٠ حاڵەت).
– ژمارەی بتڵی خوێن، کە لە کاتی هەڵمەتەکانی خوێنبەخشین کۆکراونەتەوە
(٣ هەزار و ٩٠٨) بتڵ خوێن.
