ئەمڕۆ پێنجشەممە، بانکی ناوەندی عێراق ڕایگەیاند بڕی 198 ملیۆن و 800 هەزار و 354 دۆلارى خستە بازاڕەکانەوە.بەگوێرەی ڕاگەیەندراوەکەی بانکی ناوەندی، لەو 198 ملیۆن دۆلارە، بڕی 166 ملیۆن و 760 هەزار و 354 دۆلار بەشێوەی حەواڵەی دەرەکی، و 32 ملیۆن و 40 هەزار دۆلاریشى بەشێوەی کاش خستوەتە بازاڕەکانەوە.ئەوەش لەکاتێکدایە، ئەمڕۆ لەکاتی کردنەوەی بازاڕەکانی دراودا نرخی 100 دۆلار بە 153 هەزار و 350 دینار مامەڵەی پێوە دەکرا.
ئەمەش لەکاتێکدایە هەوڵەکان و ڕێکارەکانی بانکی ناوەندی عێراق بەردەوامە بۆ دابەزاندنی نرخی دۆلار، و هاوتاکردنەوەی لەگەڵ نرخی سەرەکی بانکی ناوەندی، کە 100 دۆلار بە 132 هەزار دینارە.
