بە هۆکارێکی نادیار، ئاگرێك لە سنووری قەزای پێنجوێن کەوتەوە و زیاتر لە هەزار دۆنم سووتا.
ئەمڕۆ سێشەممە، بەڕێوەبەرایەتی پۆلیسی دارستان و ژینگەی پارێزگای سلێمانی ڕایگەیاند، ڕۆژی دووشەممە لە بەرزاییەکانی پشتی قەزای پێنجوێن ئاگرێك کەوتەوە کە بووە ھۆی سووتانی زیاتر لە هەزار دۆنم پوش و پاوان و داری سروشتی و داری ترش.
ڕوونیشیکردەوە کە ئاگرەکە لەلایەن تیمەکانی ئاگرکوژێنەوە و هاووڵاتییانی ناوچەکە کۆنترۆڵ کرا.
ئەوەشی خستەڕوو کە هۆکاری ئاگرکەوتنەوەکە نەزانراوە.
