ئەمڕۆ دوو شەممە (21ی ئابی 2023) نرخی نەوت بەرزبوونەوەی بەخۆیەوە بینی، بەهۆی کەمبوونەوەی هەناردەکردنی نەوت لە سعودیە و ڕوسیا، کە لەژێر ڕۆشنایی بەرزی ڕێژەی سووددا لە نیگەرانییەکانی پەیوەست بە گەشەی خواستی جیهانی زیاتر بوو.
تا کاتژمێر 3ی دوانیوەڕۆی ئەمڕۆ بە كاتی جیهانی نرخی نەوتی خاوی برێنت 75 سەنت بەرزبووەوە و گەیشتە 85.55 دۆلار بۆ هەر بەرمیلێک. هەر بەرمیلێک نەوتی خاوی ڕۆژئاوای تەکساس 80 سەنت بەرزبووەوە و گەیشتە 82 دۆلار و 05 سەنت.
گرێبەستەکانی نەوتی خاوی ڕۆژئاوای تەکساس بۆ مانگی ئەیلول ڕۆژی سێ شەممە کۆتایی دێت و گرێبەستە چالاکەکانی مانگی ئۆکتۆبەریش ٧٣ سەنت بەرزبووەتەوە و گەیشتووەتە ٨١ دۆلار و ٣٩ سەنت بۆ هەر بەرمیلێک.
