ژمارەیەک لە دەوڵەمەندترین کەسەکانی جیهان لە ماوەی ١٠ ڕۆژدا زیاتر لە ٨٢ ملیار دۆلار لە سامانەکەیان لە دەستدا.
بەهۆی ئەو شەپۆلە دابەزینەی کتوپرەی بازاڕی بۆرسەی جیهانی گرتەوە، ١٠ کەس لە دەوڵەمەندترینەکانی جیهان تووشی زیانێکی دارایی زۆر بوون بە جۆرێک بڕی ئەو زیانەی کردوویانە بە زیاتر لە ٨٢ ملیار دۆلار دەخەمڵێنرێت.
ئەمە لە کاتێکدایە کەس لە شەپۆلی ئەم دواییەی دابەزینی بەهای پشکەکان ڕزگاری نەبوو کە بازاڕەکانی بۆرسەی گرتووەتەوە، لە پاشخانی خولەکەکانی کۆبوونەوەی بانکی فیدراڵی لە ئەنجامی بەرزبوونەوەی زیاتری ڕێژەی سوود و دابەزاندنی پلەی قەرزی ئەمریکا لەلایەن کۆمپانیای فیتش.
دابەزینەکە بە توندی کاریگەری لەسەر پێوەرەکان داناوە، بەجۆرێک ئیلۆن مەسک بەڕێوەبەری جێبەجێکاری کۆمپانیای تێسلا لەم دواییەدا ٢٤ ملیار دۆلاری لە سامانەکەی لەدەستدا، هەروەها بێرنارد ئارنۆڵ، لە لیستی زیانمەندترینەکاندا، لە ڕیزبەندی دووهەمدایە کە ١٤ ملیار دۆلاری لەدەستداوە.
هاوکات بەڕێوەبەری جێبەجێکاری کۆمپانیای “فەیسبووک” لە ڕیزبەندی سێهەمدایە لەڕووی بەهای زیانەکانەوە بەهۆی زیادبوونی بەرچاوی پشکەکانی مێتا لە پلاتفۆرمەکان لە سەرەتای ئەمساڵەوە کە بڕی ١١ ملیار دۆلار زیانی بەرکەوتووە، زۆرێک پێیان وایە بڕیارەکەی بانکی ناوەندی ئەمریکا پرۆسەی چاکسازیی هانداوە دوای زنجیرەیەکی درێژخایەن لە بەرزبوونەوەی داهاتەکان.
هاوبەشی دامەزرێنەری کۆمپانیای ئەمازۆن، جێف بیزۆس یەکێکی دیکە لە زیانبەرکەوتووەکانە و لە ماوەی ڕابردوودا ٧ ملیار دۆلاری لەدەستداوە، لە کاتێکدا ٤ ملیاردێری دیکە وارن بافێت، لاری پەیج، ستیڤ بالمەر و سێرگی برین هەریەکەیان ٤ ملیار دۆلاریان لەدەستداوە.
