دەسەڵاتی دادوەریی بڕیاری دا لە پێناو خێراکردنی ڕاپەڕاندنی کارەکانی دادگا، شایتەیدانی لە ڕێی پەیوەندی ڤیدیۆییەوە قبوڵ بکات و کەسی شایەتحاڵ پێویست ناکات بچێت بۆ دادگا.
بە پێی نووسراوێکی فەرمی کە مێژووی ڕۆژی 7ی ئابی ئەمساڵ و ئیمزای فایەق زێدان سەرۆکی دەسەڵاتی دادوەریی لەسەرەوە، ئەنجومەنی باڵای دادوەریی بڕیاری دا شایەتیدانی ڤیدیۆیی لە دادگاکانی تێهەڵچوونەوەی نەینەوا، بابل، زیقار و بەسڕە قبوڵ بکرێت.
ڕوونیشیکردەوە کە دەکرێت وتەی شایەتحاڵ لە ڕێی پەیوەندی ڤیدیۆییەوە وەربگیرێت و پێویست ناکات بچێت بۆ دادگا.
لە نووسراوەکەدا هاتووە کە بڕیارەکە بەمەبەستی خێراکردنی ڕێکارەکانی دادگاییکردن لە دادگاکانی تێهەڵچوونەوە دراوە.
