لە مۆندیالی 2022، پورتوگال بە شەش گۆڵ بەرامبەر بە گۆڵێك لە سویسرای بردەوە.
بەو ئەنجامە پرتوگال سەركەوتنی بۆ قۆناغی چارەكی كۆتایی بەدەستهێنا.
لە تایمی یەكەمی یارییەكەدا ، كە كریستیانۆ ڕۆناڵدۆ لەسەر كورسی یەدەگبوو، پورتوگال باشتر بینرا و دوو گۆڵی لەسەریەكی لە خولەكەكانی 17 و 33دا لەلایەن گۆنچالۆ ڕامۆس و كیپلەر پیپییەوە تۆماركرد.
لە تایمی دووەمدا، كە ڕۆناڵدۆ لە خولەكی 73دا بەشداریكرد، پورتوگال چوار گۆڵی تری لەلایەن ڕامۆس دوو گۆڵ و ڕافاێل گیریرۆ و ڕفاێل لیاوەوە لە خولەكەكانی 51 و 55 و 67 و 92دا تۆماركرد، هاوكات سویسراش لە خولەكی 58دا گۆڵێكی لە ڕێگەی مانوێل ئەكانجییەوە تۆماركرد و دواجار پورتوگال بە شەش گۆڵ بەرامبەر بە گۆڵێك یارییەكەی لە سودی خۆی كۆتایی پێهێنا.
بەم ئەنجامەش، پورتوگال سەركەوتنی بۆ قۆناغی چارەكی كۆتایی جامەكە بەدەستهێنا و لەو قۆناغەشدا ڕووبەڕووی هەڵبژاردەی مەغریب دەبێتەوە، سویسراش ماڵئاوایی لە پاڵەوانێتییەكە كرد.
