ئەمڕۆ یەکشەممە، نرخی بەرمیلێک نەوتی خاوی برێنت بە 84 دۆلار و 80 سەنت لە بازاڕەکانی جیهان مامەڵەی پێوەدەکرێت و نرخەکەی وەک ڕۆژانی پێشترە و بە جێگری ماوەتەوە.
هاوکات بەپێی داتاکانی بازاڕی جیهانی نەوت، نرخی بەرمیلێک نەوتی خاوی ئەمەریکی بە 81 دۆلار و 25 سەنت مامەڵەی پێوەدەکرێت و نرخەکەی بە جێگیری ماوەتەوە.
گۆڕانکارى لە نرخی نەوت لە کاتێکدایە، وڵاتانی عێراق، ڕوسیا، سعودییە، ئیمارات، جەزائیر، کوێت و عومان ڕایانگەیاند، بە ئامانجی هێشتنەوەی نرخی نەوت بە سەقامگیری لە بازاڕەکانی جیهان و راگرتنی هاوسەنگی لە نێوان خواست و خستنە بازاڕدا بەرهەمهێنانی رۆژانەی نەوتیان کەمکردەوە.
