وەزیری پەروەردە رایگەیاند، پلانی پەرەپێدانی خوێندنی پیشەیی دەستپێدەکەین ، پەیمانگەیەکی پێنج ساڵی دەکەینەوە بە سیستمی خوێندنی ئینگلیزی کە لە هەنگاوی یەکەم حەوت بەش لە خۆ دەگرێت
ئالان حەمە سەعید، وەزیری پەروەردە، رایگەیاند، پلانی پەرەپێدانی خوێندنی پیشەیی دەستپێدەکەین ، پەیمانگەیەکی پێنج ساڵی دەکەینەوە بە سیستمی خوێندنی ئینگلیزی کە لە هەنگاوی یەکەم حەوت بەش لە خۆ دەگرێت، ساڵی یەکەم فاوندەیشنەو قوتابیان تەنها فێری زمانی ئینگلیزی دەکرێن و چوارساڵەکەی دیکە پسپۆڕی دەخوێنن.
راشیگەیاندووە، لە ساڵی سێیەمی خوێندندا ( سیستمی خوێندنی دوانە) جێبەجێدەکرێت ، واتە قوتابی سێ رۆژ لە هۆڵی پەیمانگە تیۆری دەخوێنێت و دوو رۆژیش پراکتیکی لە دامەزراوەکانی کەرتی تایبەت بە پراکتیکی کارەکان دەکات ( بە گوێرەی پسپۆرییەکەی) .
ئاماژەی بەوەشکردووە، هەموو پێداویستیەکانی ئەم پرۆسەیە لەمامۆستای ئاست بەرزی زمان و پسپۆڕیی و پرگرام و ڕاهێنان لەسەر پرۆگرامەکە و هۆڵ و پێداویستیەکانی خوێندن دابین دەکەین .
لە کۆتایدا وەزیری پەروەردە دەڵێت، ڕای خۆت دیاری بکە
بۆ ساڵی خوێندنی داهاتووتر ( ٢٠٢٤-٢٠٢٥) لات باشە ئامادەییە پیشەییەکانی ئێستا بە پلان و بە تەدریجی بگۆڕین بۆ ئەو جۆرە لە پەیمانگە لەپارێزگاکانی دیکە ؟
