دوای ئاسایی بوونەوەی پەیوەندییەكانی نێوان تاران و ڕیاز، وەزیری دەرەوەی ئێران گەیشتە سعودیە.
کەناڵی (پرێس تیڤی)ی ئێرانی بڵاویکردەوە، محەمەد بن سەلمان، شازادەی جێنشینی سعودیە لە شاری جددە چاوی بە حوسێن ئەمیر عەبدوڵڵاهیان، وەزیری دەرەوەی ئێران دەکەوێت.
عەبدوڵڵاهیان دوێنێ، پێنج شەممە، بە سەردانێک لەسەر بانگهێشتی هاوتا سعودییەکەی، فەیسەڵ بن فەرحان، گەیشتە ڕیاز، لەوێ گفتوگۆ لەنێوان هەردوولادا ئەنجامدرا و دواتر کۆنگرەیەکی ڕۆژنامەوانی هاوبەشیان ئەنجامدا.
