بەڕێوەبەرایەتی گشتی كەشناسی و بوومەلەرزەزانی هەرێم پێشبینییەكانی بۆ كەشوهەوای ئەمڕۆ و سبەینێ بڵاودەكاتەوە و ڕایدەگەیەنێت، پلەكانی گەرما لەناوچە جیاجیاكانی هەرێم ڕوو لەنزمبوونەوە دەكەن.
بەڕێوەبەرایەتی گشتی كەشناسی و بوومەلەرزەزانی هەرێم لەڕاگەیەندراوێكدا ئاماژەی بەوەكرد، “ئەمڕۆ هەینی، كەشی ئاسمان بە گشتی نیمچە هەور دەبێت، خێرایی با لە سەرخۆ – مام ناوەند لەنێوان 15-20 كیلۆمەتر لەكاتژمێرێكدا دەبێت و پلەكانی گەرماش بەراورد بە دوێنێ كەمێك نزمتر دەبنەوە”.
ئاماژەی بەوەشكردووە، “سبەی شەممە، كەشی ئاسمانی ناوچەكانی هەرێمی كوردستان لە نێوان پەڵە هەور و نیمچە هەور دەبێت، پلەكانی گەرماش نزمدەبنەوە”.
لای خۆشیەوە، كەشناسی عێراق بڵاویكردۆتەوە، سبەینێ كەشوهەوای ناوچەكانی ناوەڕاست و هەرێمی كوردستان وەك خۆی دەمێنێتەوە، بەڵام لە ناوچەكانی باشوور پلەی گەرما بەرزدەبێتەوە.
ڕاشیگەیاندووە، بەرزترین پلەکانی گەرما لە بەغدا و واست و سەڵاحەدین 48 و کەربەلا و نەجەف و بابل و میسان و ناسریە و بەسرە 49 دەبێت.
