ماوەی سێ رۆژە کۆماری ئیسلامی ئێران ئاوی زێی بچووکی گرتووەتەوە و ئەوەش کێشەی ئاوی خواردنەوەی بۆ قەڵادزێ دروستکردووە.
سێ رۆژە ئاوی زێی بچووک لەلایەن ئێرانەوە بە تەواوەتی گیراوەتەوە و ئەو ئاوەی دەڕژێتە ناوی تەنھا لە کانی و سەرچاوە بچووکەکانەوەن، تا ئێستاش دیار نییە کە ئێران کەی ئاوەکە بەردەداتەوە.
گرتنەوەی ئاوی زێی بچووک کاریگەری لەسەر دانیشتووانی قەڵادزێ دروستکردووە و چەندین گەڕەک کێشەی ئاوی خواردنەوەیان بۆ دروستبووە. ھەوەرھا کاریگەری لەسەر چەندین پڕۆژەی کشتوکاڵ و حەوزی ماسی دروستکردووە.
ئەگەر ئێران بەردەوامبێت لە گرتنەوەی ئاوی زێی بچووک، ئەوا لەئایندەدا ئاوی بەنداوی دوکان کەم دەکات، چونکە بەشێک لە ئاوی زێی بجووک دەچێتە بەنداوی دوکان و لەوێوە گلدەدرێتەوە.
