وەزارەتی دارایی سوریا ڕێنمایی جێبەجێکردنی بۆ مەرسومی ژمارە 11 و 12ی ساڵی 2023 دەرکرد، کە تێیدا بڕیار دراوە بە زیادکردنی 100%ی مووچە و کرێی جێگیر بۆ هەردوو كەرتی مەدەنی و سەربازی و خانەنشینکراوان.
د.کینان یاغی، وەزیری دارایی سوریا لە بەیاننامەیەکدا ئاماژەی بەوەكردووە، وەزارەتەکەی ئەو ڕاگەیەنراوەی بڵاوکردووەتەوە، کە ئەو ڕێنماییانەی تێدایە، دەبێت پەیڕەوی لێبکرێت سەبارەت بە خەرجکردنی ئەو زیادکردنەی، کە لە ئەنجامی جێبەجێکردنی بڕگەکانی مەرسومە یاساییەکانی ١١ و ١٢دا هاتووە و ڕێگەدان بە زیادەڕۆیی لەسەر ئەو تەرخانکردنانەی، کە لە بودجەی ساڵی ٢٠٢٣دا بۆ مووچە و کرێ و قەرەبووکردنەوە تەرخانکراون.
ئاماژەی بەوەدا، جگە لەوەش، ئەو خشتانەی هاوپێچکراون بە یاسای بنەڕەتی بۆ کرێکارانی دەوڵەت بە ژمارە ٥٠ی ساڵی ٢٠٠٤ و هەموارەکانی، کە بریتین لە دەستکاریکردنی کەمترین و زۆرترین مووچە لە کرێدا، هاوتەریب لەگەڵ زیادکردنی پلان بۆ داڕێژراو.
تێچووی ساڵانەی زیادکردنەکە بەپێی فەرمانەکانی ١١ و ١٢ نزیکەی ٤ هەزار ملیار لیرەی سورییە، لە کاتێکدا تێچووی مانگانە نزیکەی ٣٣٣ ملیار لیرەیە، ئەم بڕە پارانە لە سەرچاوەکانی گەنجینەی گشتی دەوڵەت مسۆگەر دەکرێن.
وەزیری دارایی دووپاتی کردەوە، کە حکومەت بەشێوەیەکی کارا و بەردەوام لە هەوڵدان بۆ باشترکردنی ئاستی ژیانی کرێکاران و خانەنشینان لە وڵاتدا و هەڵگرتنی بارگرانی دارایی لەسەر شانیان.
هاوكات، بەگوێرەی ئەو بڕیارانەی ئەمڕۆ وەزارەتی بازرگانی ناوخۆ و پاراستنی بەكاربەرانی سوریا دەریكردون، نرخی ئەو سوتەمەنیەی پێشكەش بە نانەواخانە تایبەتەكان دەكرێت بۆ هەر لیترێك بوەتە 700 لیرەی سوری، هەروەها نرخی فرۆشتنی سوتەمەنی گازوایل بۆ هەریەكێك لە ناوچە كشتوكاڵیەكان لە دەرەوەی تەرخانكردنی پاڵپشتیكراو، پیشەسازییە كشتوكاڵییەكان، نەخۆشخانە تایبەتەكان و كارگەكانی دەرمانسازی بۆتە 8 هەزار لیرەی سوری بۆ هەر لیترێك.
جەختیشی كردۆتەوە، نرخی فرۆشتنی بەنزینی ئۆكتان 90 بۆ هەر لیترێك بۆتە هەشت هەزار لیرەی سوری دەبێت، هاوكات نرخی فرۆشتنی بەنزینی پریمیۆم ئۆكتان 95 بە 13 هەزار و 500 لیرەی سوری بۆ هەر لیترێك دیاریكراوە.
سەبارەت بە بەهای لیرەی سوری بەرامبەر بەدۆلار، لەبڕیارەكاندا هاتوە، “نرخی لیرەی سوری بەرامبەر بە دۆلار لە نێوان 14 هەزار و 350 لیرە بۆ هەر 15 هەزار لیرە بەرامبەرە بە یەك دۆلار”.
