لە ئاکامی ڕووداوێکی سەختی هاتووچۆ لەسەر ڕێگای هەولێر-کەرکوك، سێ هاووڵاتی بە سەختی بریندار بوون.
ئەمڕۆ چوارشەممە، بەڕێوەبەرایەتی هاتووچۆی هەولێر ڕایگەیاند، لەسەر ڕێگای سەرەکی هەولێر-کەرکوك، لە نزیک مەفرەقی قوشتەپە، تاکسیەکی کرۆلا کۆنترۆڵی لە دەستدا و بە هۆیەوە سێ کەس بە سەختی بریندرا بوون.
دەربارەی شێوازی ڕووداوەکەش، لە ڕاگەیەندراوەکەی هاتووچۆی هەولێردا هاتووە: “تاکسیەکە کە بەرەو کەرکوک دەڕۆیشت بەهۆی تیژڕۆیی کۆنترۆلی لە دەست داوە، لە پاش بڕینی ناوبڕی شەقامەکە، چووەتە دیوەکەی تری شەقام و خۆی کێشاوە بە تاکسیەکی نیسان کە بەرەو هەولێر دەهات”.
ئەوەشی خستەڕوو کە جگە لە زیانە گیانییەکان، ڕووداوەکە زیانێکی زۆری ماددیشی لێکەوتووەتەوە.
