پاشنیوەڕۆی ئەمڕۆ سێشەممە، تەرمی مێرمنداڵێك لە دۆڵی خۆشناوەتی دۆزرایەوە کە جلوبەرگی زستانەی لەبەردایە.
پەیامنێری “تۆڕی میدیایی خەڵك” لە هەولێر ڕایگەیاند، پاش نیوەڕۆی ئەمڕۆ لە ئەشکەوتێکی گوندی شێخوەسانانی دۆڵی خۆشناوەتی تەرمی مێرمنداڵێک دۆزرایەوە.
ڕوونیشیکردەوە تەمەنی مێرمنداڵەکە 15 ساڵە و جلوبەرگی زستانەی لەبەردایە.
ئەوەشیخستەڕوو کە تەرمەکە بە مەبەستی توێکاری دەبرێتە پەیمانگەی پزیشکی دادی هەولێر.
