بانکی ناوەندی عێراق فرۆشتنی دۆلاری کەمکردەوە

بە بەراورد بە دوێنێ، بانکی ناوەندی نزیکەی 20 ملیۆن دۆلار کەمتری خستە بازاڕەوە و نرخەکەشی لە ئاستێکی بەرزدا ماوەتەوە.

ئەمڕۆ سێشەممە، بانکی ناوەندی عێراق ڕایگەیاند بڕی 183 ملیۆن و 890 هەزار و 982 دۆلاری خستە بازاڕەوە کە 153 ملیۆن و 220 هەزار و 982 دۆلاری حەواڵە و 30 ملیۆن و 670 هەزاریشی بە نەخت بووە.

ئەمەش لە کاتێکدایە کە دوێنی بانکەکە زیاتر لە 201 ملیۆن و 326 هەزار دۆلاری ئەواڵە و نەختی خستبووە بازاڕەوە.

ئەمڕۆش 100 دۆلاری ئەمریکی لە بۆرسەکانی هەرێمی کوردستاندا لە نێوان 152 هەزار و 700 بۆ 152 هەزار و 900 دیناردا مامەڵەی پێوە دەکرێت.