بەپێی ڕاپۆرتە كەشناسییەكان، لەگەڵ بەردەوامی ئەم شەپۆلە گەرمایەی ناوچەكەی گرتۆتەوە، چالاكی با تا نزیكەی 60 كیلۆمەتر لە كاتژمێرێكدا زیاد دەكات و ئەوەش بە ڕەشەبایەكی بەهێز دادەنرێت و ماوەی دوو ڕۆژ دەخایەنێت.
ئاراس جەبار، شارەزای كەشناسی بۆ (خەڵك) ڕایگەیاند، بای باکوری ڕۆژھەڵات چالاکتر ئەبێت لەسەر ناوچەکانی سنوری پارێزگای سلێمانی و ئیدارەی ڕاپەڕین و ناوچە شاخاویە سنورییەکانی ڕۆژھەڵاتی پارێزگای ھەولێر بەخێرای ٢٠ تا ٥٠کم زیاتر لە کاتژمێرێکدا و لە کۆتایی ھەفتەدا کاریگەری کەمدەبێتەوە و نامێنێت.
لای خۆشیەوە، شاڵاو هیدایەت، شارەزای كەشناسی ڕایگەیاند، پێشبینی دەکەین “ڕەشەبا” بای باکوری خۆرهەڵات لەسەرجەم ناوچەکان زیاد بکات و چالاک بێت بەخێرایی 20 تا 60 کم لە كاتژمێرێكدا و لوتکەی بەهێزی ڕۆژانی دوو شەممە و سێ شەممەی ئەم هەفتەیەیە، له زۆرینەی ناوچە نیمچە بەهێز بۆ بەهێز دەبێت.
ڕاشیگەیاند، ڕۆژی چوار شەممەش لەهەندێ ناوچە بەکاریگەری کەمتر بەردەوام دەبێت تایبەت لەناوچەکانی خۆرهەڵاتی هەرێم تاکاتەکانی دوانیوەڕۆی چوار شەممە و دواتر و لەدوانیوەڕۆی چوار شەممە بۆ ڕۆژانی دواتر بای شەماڵ، کەبریتیه لەبای باکور و باکوری خۆرئاوا چالاک دەبێتەوە.
ئاماژەی بەوەشكرد، لەدوو شەممەوە و ڕۆژانی دواتر یەکەم قۆناغی دابەزینەوەی پلەکانی گەرما دەست پێدەکاتەوە لە یەکەم قۆناغدا پلەکانی گەرما بەڕێژەی 2° تا 3° دادەبەزێت بەگشتی لەناوچەکان و دوای ماوەیەکی کەم قۆناغێکی تری دابەزین دەست پێدەکات، کەتیایدا پلەکانی گەرما کەمێکییتر دادەبەزن.
