سەرۆکایەتی شارەوانی سلێمانی ڕایگەیاند، لەمڕۆوە دەستیان کرد بە قیرتاوکردنی شەقامی ١٠٠ مەتری.
ئەمڕۆ یەکشەممە، سەرۆکایەتی شارەوانی سلێمانی ڕایگەیاند، لە سەرفەرمانی قوباد تاڵەبانی، جێگری سەرۆکی ئەنجومەنی وەزیران، دەستکرا بە قیرتاوکردنی شەقامی ١٠٠ مەتری کە بە شاڕێی بابان ناسراوە.
ڕوونیشیکردەوە کە لە سەرەتادا بەشی یەكەمی شەقامەكە بەڕشتنی قیری شل دەستپێدەكات و سبەینێ دووشەممە، دەست دەکرێت بە قیرتاوکردنی چینی یەکەمی شەقامەکە.
لە ڕاگەیەندراوەکەدا هاتووە کە قیرتاوکردنەکە لە سەرەتای شەقامەكەوە، دوای یەکتربڕی ١١ دەستپێدەكات.
