ئەمڕۆ شەممە ٢٠٢٣/٨/١٢ لە کارنامەی دانیشتنی ژمارە ٨ی ئەنجومەنی نوێنەران لەسەر داوای دوو پەرلەمانتار هەردوو وەزیری دارایی و ناوخۆ بانگێشتکران بۆ وەلامدانەوە زارەکی لەسەر دوو بابەت.
د.نەرمین مەعروف ئەندامی لیژنەی دارایی لەپەرلەمانی عێراق ڕایگەیاند. هەردوو وەزیرەکە بۆ دوو بابەتی گرنگ بانگێشتی پەرلەمان کران ، یەکەم /وەزارەتی دارایی و ئەو رێکارانەی وەزارەت گرتویەتیەبەر بۆ بنبڕکردنی گەندەڵی لە رێگەی بەئەلیکترۆنیکردنی سیستمی کۆکردنەوەی داهاتی گشتی لەباج و رسومات .
دووەم /وەزارەتی ناوخۆ و رێکارەکانی دەرکردنی پاسپۆرتی ئەلکترۆنی نوێ ، و هۆکاری زیادکردنی رسوماتی پاسپۆرت لە ٢٥ هەزارەوە بۆ ٩١هەزار دینار؟
د.نەرمین ئاماژەی بەوەشداوە،لەدوای وەلامدانەوەی زارەکی وەزیری ناوخۆ سەرۆکی پەرلەمان چوار لیژنەی پەرلەمانی راسپارد( یاسا، دارایی.نزاهە، ئاسایش و ناوخۆ) بۆ ئەوەی بەدواداچوون بکەن بۆ ئەو گرێبەستەی کراوە لەگەڵ کۆمپانیای جێبەجێکار وبەزووترین کات راپۆرت لەوبارەیەوە بدەنە ئەنجومەنی نوێنەران.
