دەسەڵاتدارانی فەڕەنسا ڕایانگەیاند، ئەمڕۆ بورجی ئیظل بەڕووی سەردانیکەراندا داخرا، لەبەر هەبوونی گومانی بۆمب لەنێو بورجەکەدا سەرجەم سەردانیکەران لەناوچەکە دوورخرانەوە.
ئەو هۆشدارییە ئەمنییە بووە هۆی چۆڵکردنی 3 نهۆمی تاوەرەکە کە دەکەوێتە ناوەڕاستی پاریسی پایتەختی فەرەنسا، کە دیارترین شوێنی گەشتیاری فەرەنسایە و ساڵی ڕابردوو 6.2 ملیۆن سەردانیکەری بۆ خۆی ڕاکێشا.
دەستەی بەڕێوەبەرنی بورجەکەش ڕایانگەیاند، پسپۆڕانی پوچەڵکردنەوەی بۆمب و پۆلیس لەناوچەکەدا دەگەڕێن بۆ هەبوونی بۆمب و لەنێوانیشیاندا چێشتخانەی تایبەتی نێو بەرجەکەش چۆڵکراوە.
وتەبێژێکیش دەڵێت: “ئەمە ڕێکارێکی ستانداردە لەم جۆرە دۆخەدا، بەڵام دەگمەنە”.
سەردانکەران لە ٣ نهۆمەوە و لە چەقی سەرەکی بنی تاوەرەکەوە چۆڵکران.
مێژووی دروستکردنی تاوەری ئیڤڵ دەگەڕێتەوە بۆ ساڵی ١٨٨٧ و لە مانگی ئازاری ساڵی ١٨٨٩ کارەکانی بیناسازی کۆتایی هات و لە هەمان ساڵدا دوو ملیۆن سەردانیکەری هەبوو.
