بەلەمێکی کۆچبەران لە نۆکەندی ئینگلیز لە نێوان فەرەنسا و بەریتانیا ژێرئاو کەوت و بەهۆیەوە لانیکەم شەش کۆچبەر گیانیان لەدەستدا.
رۆژی شەممە 12ی ئابی 2023، هێزی دەریاوانیی فەرەنسا بڵاویکردەوە، بەلەمەکە دەیان کۆچبەری تێدا بووە و لە فەرەنساوە بەرەو بەریتانیا بەڕێکەوتووە و لەنێو دەریادا ژێر ئاو کەوتووە، ئاماژەی بەوەشکرد، تیمەکانی فریاگوزاری توانیویانە 54 کۆچبەر رزگاربکەن و ژمارەیەک کۆچبەریش بێسەروشوێنن.
لە هەڵمەتی رزگارکردنی کۆچبەرەکاندا پێنج کەشتی و هێلیکۆپتەرێکی فەرەنسی و دوو کەشتیی بەریتانی بەشدارییان کردووە.
میدیای بریتانیا ڕایانگەیاند، چەند کەشتییەکی بەریتانی و فڕەنسی بەشداربون لە هەوڵەکانی گەڕان و ڕزگارکردنی کۆچبەرەکان، دوای ئەوەی بەلەمێکی دەوریە ڕایگەیاند، کە بەلەمێکی کۆچبەران لە دەریای سەنگات ژێرئاو کەوتوە.
نۆکەندی ئینگلیز رێڕەوێکی ئاوییە لەنێوان فەرەنسا و بەریتانیا و یەکێکە لە قەرەباڵخترین رێگەکانی کۆچبەران.
