ئەردۆغان پارێزگارەکانی کوردستان دەگۆڕێت

لە چوارچێوەی گۆڕانکارییە ئیدارییەکانی تورکیادا، سەرۆک کۆماری ئەو وڵاتە 57 پارێزگاری باکووری کوردستان و تورکیای گۆڕی.

ئەمڕۆ پێنجشەممە، ڕۆژنامەی فەرمی تورکیا بڕیارێکی ڕەجەب تەیب ئەردۆغان سەرۆك کۆماری وڵاتەکەی بڵاوکردەوە سەبارەت بە گۆڕینی 57 پارێزگار.

بڕیاری گۆڕینی پارێزگارەکان 18 پارێزگای باکووری کوردستانیشی گرتەوە کە ئەوانیش: ئاگری، ئەردەخان، چەولیک، بەدلیس، ئەرزینجان، ئەرزەڕۆم، جۆلەمێرگ، ئیدر، مەڕەش، قەرس، کیلیس، مەڵەتی، مێردین، مووش، سێرت، رحا، شرنەخ و دێرسمن.