فڕۆکەی بێفڕۆکەوان لەسەر رێگەی دوکان – خەلەکان ئۆتۆمبێلێکی کردە ئامانج کە بەگوێرەی زانیاریەکان دو کەسی تێدابوە و برینداربون.
بەگوێرەی زانیاریەکانی (خەڵک)، پاش نیوەڕۆی ئەمڕۆ چوارشەممە لەسەر رێگەی دوکان – خەلەکان ئۆتۆمبێلێکی جۆری جێب لاریدۆ لەڕێگەی فڕۆکەی بێفڕۆکەوان کرایە ئامانج کە دو کەسی تێدابوە، سیروان لالە سەرحەد، قائیمقامی دوکانیش دەڵێت، هەردو کەسەکە برینداربون و گوازراونەتەوە بۆ نەخۆشخانە.
بەپێی وتەی سەرچاوەیەک لە تەندروستی دوکان، ئەو دو کەسەی کە برینداربون یەکێکیان خەڵکی سوریا و ئەوی دیکەیان خەڵکی هەڵەبجەیە و لە نەخۆشخانە چارەسەریان بۆ دەکرێت.
