لە چوارچێوەی پلانی چاکسازی و یەکخستنەوەی هێزەکانی پێشمەرگەدا، سێ لیوای سەر بە وەزارەتی پێشمەرگە پێکهێنران.
ئەمڕۆ چوارشەممە، فەرمانگەی میدیا و زانیاری بڵاویکردەوە، لە چوارچێوەی جێبەجێکردنی پڕۆژەی یاسای چاکسازی و یەکخستنەوەی هێزی پێشمەرگەی کوردستان، بە فەرمانی مەسرور بارزانی، سەرۆکی حکومەتی هەرێمی کوردستان، ٣ لیوا لە وەزارەتی پێشمەرگە پێکهێنران.
ڕونیشیکردەوە لیواکان کە بریتیین لە (لیوای ٢٦، لیوای ٢٨، لیوای ٣٠).
ئەوەشخراوەتەڕوو کە لیواکان لەسەر میلاکی وەزارەتی پێشمەرگە پێکهێنراون و لە ڕۆژی دەرچوونی فەرمانی دامەزراندنیان، کە دەکاتە ڕێکەوتی ٨ـی٨ـی ٢٠٢٣، دەچێتە بواری جێبەجێکردنەوە.
