ئەمڕۆ یەك شەممە، بەهۆی پابەند نەبون بەمەرج و رێنماییەكانی كاركردن و هەبونی نەوجەوان لەشوێنەكەیدا لیژنە هاوبەشەكانی قائیمقامیەت، بەفەرمانی قائیمقامی سلێمانی هۆڵی بلیاردی میدڵی لەگەڕەكی سەرچنار داخست.
قائیمقامیەتی سلێمانی لە ڕاگەیەنراوێكدا ئاماژەی بەوەكردووە، بەپێی رێنماییەكانی كاركردن، پێویستە خاوەن شوێنەكە رێگری لە منداڵی نەوجەوان و تەمەن خوار (18) ساڵ بكات بۆ شوێنەكەی بەپێچەوانەوە ڕوبەڕوی رێكارە یاساییەكان دەكرێتەوە.
ڕاشیگەیاندووە، لەكاتی هەبونی گومان یان بۆ گەیاندنی سكاڵا و زانیاری بەقائیمقامیەتی سلێمانی و لیژنە هاوبەشەكان، پەیوەندی بە ژمارە مۆبایلی (07708677777)ـەوە بكەن.
