ئەنجومەنی وەزیرانی هەرێمی کوردستان کۆدەبێتەوە و تاوتوێکردنی دۆخی کارەبا و بەنزین بەشێك لە تەوەرەکانی کۆبوونەوەکە دەبێت.
ئەمڕۆ چوارشەممە، ئەنجومەنی وەزیرانی هەرێمی کوردستان کۆدەبێتەوە و بە پێی کارنامەی کۆبوونەوەکە لە بڕگەى یەکەمدا دوایین پێشهات و پەرەسەندنەکانى جێبەجێکردنى یاساى بودجەى عێراق بۆ ساڵانى (2023 و 2024 و 2025) و دابینکردنى شایستەى دارایی و بەشە بودجەى هەرێم و رێڕەوى دانوستانى رێککەوتنى نێوان حکومەتى هەرێم و فیدراڵ، لەلایەن شاندى دانوستانکار دەخرێتەڕوو بۆ ئەنجومەنى وەزیران.
لە بڕگەى دووەمى کۆبوونەوەکەدا دۆخى کارەبا و بەنزین لە هەرێمى کوردستان و هەوڵەکانى وەزارەتى کارەبا و سامانە سروشتییەکان لەلایەن وەزیرى کارەبا/ وەزیرى سامانە سروشتییەکان بە وەکالەت دەخرێتەڕوو.
هەر بەپێى کارنامەى کۆبوونەوەکە لە بڕگەى سێیەمدا خستنەڕوویەك سەبارەت بە پڕۆژەى پێدانى پارە بە ئەلیکترۆنى و پڕۆژەى خەرجکردنى مووچە لەڕێگەى هەژمارى بانکى پێشکەش دەکرێت.
