لەسەر ڕێگای سلێمانی – دەربەندیخان و لە چیای بەرانان، بارهەڵگرێك بەسەر ئۆتۆمبێلێكی تایبەتدا وەرگەڕاوە و بەهۆیەوە 6 كەس گیانیان لەدەستداوە.
بەپێی زانیارییەكان، دوانیوەڕۆی ئەمڕۆ سێ شەممە، لە نزیك تونێلی دەربەندیخان و لەسەر ڕێگای شاخی بەرانان ڕووداوێكی سەختی هاتووچۆ ڕوویداوە و بەهۆیەوە 6 كەس گیانیان لەدەستداوە.
هەر بەپێی زانیارییەكان، ڕووداوه‌كه له‌نێوان ئۆتۆمبێلێکی بارهەڵگر و ئۆتۆمبێلێکی تایبەت ڕوویداوە و به‌هۆیه‌وه 6 کەس گیانیان لەدەستداوە.
لای خۆشیەوە، هاتووچۆی دەربەندیخان بڵاویكردەوە، بەداخەوە ئێستا لە سەر شاخی بەرانان ئۆتۆمبێلێکی بارهەڵگر دەکەوێت بەسەر ئۆتۆمبێلێکی نیسان سەنیدا و مەفرەزەکانمان بە هاوکاری هێزەکانی تر لە هەوڵی دەرهێنانەوەی سەرنشینەکاندان، کە 5 بۆ 6 سەرنشینی لەناودا بووە.
ئەمە لەكاتێكدایە، كە بەهۆی داخستنی تونێلی دەربەندیخانەوە لە بەیانی ئەمڕۆوە تاوەكو 3ی ئاب، ڕێگای شاخی بەرانان تایبەت كراوە بە هاتووچۆی ئۆتۆمبێلی تایبەت و بارهەڵگرەكانیش لە ناو سەنگاوەوە هاتووچۆ بكەن.
