وەزارەتی کارەبای حکومەتی هەرێم ڕایگەیاند، دوای ناڕەزاییەتیەکانی نوێنەرانی نیشتەجێبوونی (سیتییەکان) لە سلێمانی و دواتر لەهەولێر بڕیاریدا بەدواداچوون بۆ نرخی کارەبای سیتییەکان بکات
کەمال محەمەد ساڵح، وەزیری کارەبای حکومەتی هەرێمی کوردستان بۆ لە نزیک ئاگادار بوونی کێشە و گرفتی هاووڵاتییان و هاوبەشانی کارەبا پێشوازیی لە نوێنەرانی گردبوونەوەی دانیشتووانی ستییەکان کرد کە لەبەردەم وەزارەتی کارەبا بۆ دەربڕینی ناڕەزایەتی لەسەر نرخی کارەباکەیان گرد بووبوونەوە.
نوێنەرانی خۆپیشاندەران هیچ گلەییەکیان لەسەر خودی سیستەمی پێوەری زیرەک و پریپەید نەبوو، بەڵکوو بە پڕۆژەیەکی گرنگ بۆ وەرگرتنی کارەبایەکی ٢٤ کاتژمێری وەسف کرد و گلەییەکەیان تەنیا لەسەر بەرزی نرخی کارەبای ٢٤ کاتژمێری ستییەکان بوو، هەربۆیە داوای پێداچوونەوە بە نرخەکەیان کرد.
وەزیری کارەبا بەڵێنی پێدان لەگەڵ تیمی وەزارەت بەدواداچوونی جددی بۆ ئەم بابەتە دەکات و لێژنەیەک سەردانی ستییەکان دەکات و لە نزیکەوە بەدواداچوون دەکەن و پێشنیاز و بۆچوونی لێژنەکە بۆ وەزیر بەرز دەکاتەوە و بڕیاری پێویستی لە بارەوە دەدرێت.
لەماوەکانی رابردوودا نوێنەرانی یەکەکانی نیشتەجێبوون کە بە ( سیتییەکان) ناسراوە لەبەر گرانی نرخی یەکەی کارەبا ناڕەزایەتییان دەربڕی و ئەمڕۆش نوێنەرانی سیتتیەکانی هەولێر پاڵپشتی بۆ سلێمانی دەربڕی،
ئەمە لە کاتێکدایە نرخی یەکەیەک لە سلێمانی لە 18 دینارەوە کراوە بە 156 دینار و لە هەولێی کراوە بە 175 دینار
