وتەبێژی پۆلسی سلێمانی ڕایگەیاند بکوژ و کوژراوی شەڕەچەقۆکە یەکتریان ناسیوە و تۆمەتبارەکەش لە کاتی ژەوڵدان بۆ هەڵاتن دەستگیرکرا.
سەرکەوت حەسەن، وتەبێژی پۆلیسی سلێمانی بە “تۆڕی میدیایی خەڵك”ی ڕاگەیاند، بەیانی ئەمڕۆ دوو کەس لە مەیدانی ئاژەڵفرۆشانی بووە بە شەڕیان و یەکێکیان بە چەقۆ ئەوەی دیکەی کوشتووە.
ڕوونیشیکردەوە کە کوژراوەکە ناوی “س ج” لەدایکبووی ساڵی 2000-ەو تۆمەتبارەکەش لەدایکبووی 1971-ەو هەڵاتووە.
وتەبێژی پۆلیسی سلێمانی ئەوەشیخستەڕوو کە بکوژ و کوژراو یەکتریان ناسیوە و تمەتباری ڕووداوەکەش لە کاتی هەوڵدانی بۆ هەڵاتن بەرەو هەولێر، دەستگیرکرا.
