ئەمڕۆ سێشەممە ئەنجومەنی داوەریی عێراق، سەبارەت بە ژمارەی هاوسەرگیری و جیابوونەوە لەو مانگەدا ئامارێکی فەرمی بۆ مانگی حوزەیرانی ئەمساڵ بڵاوکردەوە.
بەگوێرەی ئەو ئامارەی ئەنجومەنی دادوەری عێراق بڵاوی کردووەتەوە، لە مانگی حوزەیراندا پێنج هەزار و ٨٨٠ حاڵەتی جیابوونەوەی هاوسەران تۆمارکراوە.
ئەوەخراوەتەڕوو، ئامارەکە لە سەرجەم پارێزگاکانی عێراق وەرگیراوە، جگە لە پارێزگاکانی هەرێمی کوردستان.
ئەوەلەکاتێکدایە، بە تێکڕا لە ڕۆژێکدا ١٩٦ حاڵەتی جیابوونەوە تۆمارکراوە و لە هەر کاتژمێرێکدا هەشت حاڵەت تۆمارکراوە.
هەروەها دادگاکان لە مانگی حوزەیراندا ٢٢ هەزار و ٦٨٨ حاڵەتی هاوسەرگیرییان تۆمارکردووە.
