پارێزگاری بەسرە، بەهۆی بەرزبوونەوەی پلەکانی گەرما لە پارێزگاکە سبەی چوارشەممەی کردە پشووی فەرمی.
ئەسعەد عیدانی لە راگەیەندراوێکدا بڵاویکردووەتەوە، لەپێناو رەخساندنی دەرفەت بۆ موسڵمان بۆ یادکردنەوەی رۆژی حەوتی مانگی موحەڕەم و بەرزبوونەوەی پلەکانی گەرما، سبەی چوارشەممە کرایە پشوو.
لە راگەیەندراوەکەدا هاتووە کە پشووەکە فەرمانگە ئەمنیی، خزمەتگوزاریی و تەندروستییەکان ناگرێتەوە بۆ پێدانی پشوو لەو فەرمانگانە دەسەڵات دراوەتە بەڕێوەبەری فەرمانگەکان.
