بانکی ڕافیدەینی عێراقی لقەكانی بانكەكەی لە بەغدا دیاریکرد بۆ فرۆشتنی دۆلار بە گەشتیاران بە نرخی فەرمی، كە بۆ هەر 100 دۆلار بە 132 هەزار دینارە.
بانكی ڕافیدەین لە ڕاگەیەندراوێکدا ئاماژەی بەوەکردووە، پێویستە گەشتیاران سەردانی لقەکانی بکەن بۆ ئەوەی دیناری عێراقی تێیاندا دابنێن و دۆلار بە تایبەتی لە فرۆشگای فڕۆکەخانە وەربگرن، پێش ئەوەی گەشت بكەن بە ماوەی 3 ڕۆژ.
ڕوونیشی كردۆتەوە، لقە تایبەتەکان بریتین لە (گۆڕەپانی فیردوس، المشگل، شەقامی فەلەستین، باب المعزم، قودس، المعریفە، ئەمینداریەتی گشتی ئەنجومەنی وەزیران، المنسور، شەقامی المحیت).
لە بەیاننامەکەدا جەخت لەسەر وەرگرتنی پلاتفۆرمی ئەلیکترۆنی کراوە لە پرۆسەی فرۆشتنی دراو بە گەشتیاران، كە بە بڕی ٣ هەزار دۆلارە.
