نرخی نەوت گەیشتە ئاستێك کە لە نیسانی ڕابردووەوە بەرزبوونەوەی لەو جۆرەی بەخۆوە نەبینیوە.
ئەمڕۆ سێشەممە، نرخی یەك بەرمیل نەوتی خاوی برێنت بە 82 دۆلار و 98 سەنت و نەوتی خاوی ئەمریکیش بە 79 دۆلار و یەك سەنتەوە مامەڵەی پێوە دەکرێت.
لە کۆتایی نیسانی ڕابردووەوە ئەمە یەکەمجارە نرخی نەوت بەو شێوەیە بەرزبێتەوە.
هۆکاری ئەم هەڵکشانە بۆ بڕیاری خۆویستانەی ڕووسیا و سعودیە بۆ کەمکردنەوەی ئاستی بەرهەمهێنان و هەروەها ئەو داتایانە دەگەڕێتەوە کە لە چینەوە دەرکەوتوون و ئاماژە دەدەن بەوەی خواستی چین لەسەر کڕینی نەوت زیاد دەکات.
