بافڵ جەلال تاڵەبانی، سەرۆکی یەکێتیی نیشتمانیی کوردستان، پاشنیوەڕۆی ئەمڕۆ لە دەباشان پێشوازی لە د. عادل عەبدولمەھدی، سیاسەتمەدار و سەرۆک وەزیرانی پێشووتری عیراق کرد.
لەدیدارەکەدا دوایین گۆڕانکارییە سیاسییەکان گفتوگۆیان لەبارەوەکرا و جەخت لە بەردەوامیی هەوڵەکان کرایەوە لەپێناو پاراستنی سەقامگیری و زیاتر خزمەتکردنی خەڵک لە بوارە جیاوازەکاندا.
بافڵ تاڵەبانی، ئاماژەی بە هەوڵەکانییان کرد بۆ کاری پێکەوەیی و هەنگاوی کردەیی لەپێناو بەرەوپێشچوونی وڵات و رایگەیاند، “سیاسەتی ئێمە روونە و ئامانجمان خزمەتکردنە، بۆ ئەمەش لە سەرەتاوە هەوڵمان بۆ چارەسەرکردنی کێشەکان داوە و ویستوومانە دەستوور بنەمای چارەسەرکردنی کێشەکان بێت”.
سەرۆکی یەکێتی ڕاشیگەیاند، هەماهەنگی و کاری پێکەوەیی فاکتەری سەقامگیری و بونیادنانی داهاتوویەکە کە شایستەی خەڵکە خۆڕاگرەکەمان بێت.
