وەزارەتی دەرەوەی دانیمارک خراپ بەکارهێنانی کتێبە پیرۆزەکان و هێما ئاینیەکانی شەرمەزار کرد و بە کارێکی شەرمەزارکەر وەسفی کرد کە شایەنی ئیدانەکردنە.
وەزارەتی دەرەوەی دانیمارک لەبەیاننامەیەکدا بێدەنگی خۆی لەئاست سوتاندنی قورئانی پیرۆز شکاند و دەڵێت” “حکومەتی دانیمارک ئیدانەی سووتاندنی قورئانی پیرۆز و سووتاندنی دەقە پیرۆزەکان و سوکایەتیکردن بە هێما ئاینییەکانی دیکە دەکات”.
ئەمڕۆ 22 ی تەمووز وەزارەتی دەرەوەی دانیمارک بەفەرمی بەیاننامەیەکی بڵاوکردەوە، تێیدا ئیدانەی سوتاندنی قورئانی پیرۆز و هەر کتێبێکی ئایینی کرد و بە “کردەوەیەکی شەرمەزارکەر و بێڕێزیکردن بە ئایین” ناوی دەبات.
وەزارەتی دەرەوەی دانیمارک ، ئاماژەی بەوەشدا که شانشینی یه کێتی ڕێز له ئازادی ئایین ده گرێت، زۆرێک له هاووڵاتیان موسڵمان ده بن، و “موسڵمان به شێکی گرنگی هاووڵاتیانی دانیمارکن”.
لە لایەکی دیکەوە وەزارەتی دەرەوە ئاماژەی بە پێویستی ڕێزگرتن لە ئازادی ڕادەربڕین و خۆپیشاندان کردووە و دەڵێت: “دانیمارک پشتگیری لە مافی ناڕەزایەتی دەربڕین دەکات، بەڵام جەخت لەوە دەکاتەوە کە دەبێت بە ئاشتیانە بمێنێتەوە”.
پۆلیسی کۆپنهاگن ڕایگەیاند، کە ئەو ناڕەزایەتییەی لە نزیک باڵیۆزخانەی عێراق لە ٢١ی تەمموزدا ڕێکخرابوو، لەگەڵ سووتاندنی “کتێبێک” بوو، بەبێ ئەوەی دیاری بکات کە قورئانە، لە کاتێکدا وەزارەتی دەرەوەی دانیمارک دانی بەوەدانا کە ئەو کتێبەی سووتێنرا “کتێبێکی پیرۆزە”.
گرووپی ڕاستڕەوی توندڕەوی دانیمارکی “نیشتمان پەروەران” ئەنجامدانی ئەو کردەوەیەیان لەئەستۆ گرت، و لەکاردانەوەی ئەوەشدا، عێراق و چەندین وڵاتی ئیسلامی بەیاننامەی توندیان دەرکرد، و هاوکات ئەمڕۆش لە عێراق خۆپیشاندانی فراوان لەوبارەیەوە بەڕێوەدەچێت.
