شەوی ڕابردوو لە ڕووداوێکی هاتوچۆدا لە نزیک ناحیەی دارەتوو سێ ئەندامی خێزانێک گیانیان لەدەستدا و چوار کەسی دیکەش برینداربوون.
بەگوێرەی زانیارییەکان، درەنگانی شەوی ڕابردوو لە دەوروبەری کاتژمێر یەک و ٣٠ خولەک، ڕووداوێکی هاتوچۆ لەنێوان دوو ئۆتۆمبێل لە نزیک ناحیەی دارەتوو ڕوویداوە و لە ئەنجامدا سێ کەس کە ئەندامی یەک خێزان بوون گیانیان لەدەستدا و چوار کەسی دیکەش بریندار بوون.
ئەوەخراوەتەڕوو، ئەو کەسانەی لەڕووداوەکەدا گیانیان لەدەستداوە پێکهاتبوون لە دوو هاوسەر بە ناوەکانی فەرهەنگ مەحمود و ئیمان سەعدون و منداڵەکەیان بەناوی ئەرەن فەرهەنگ.
