لە ئاهەنگێکی بووک گواستنەوەدا لە ناحیەی تەقتەق-ی سەر بە قەزای کۆیە، شەڕ لەنێوان دوو بنەماڵەدا دروستبوو کە بەهۆیەوە کەسێک کوژرا و کەسێکی دیکەش برینداربوو.
ئێوارەی ئەمڕۆ پێنجشەممە لە ئاهەنگێکی بووک گواستنەوەدا لە ناحیەی تەقتەق، لەنێوان دوو خێزاندا شەڕ دروستبوو کە ئامۆزای یەکترین کەسێک تەقەی کردووە و دوو ئامۆزای بریندار کردووە، دوای گەیاندنیان بە نەخۆشخانە، یەکێکیان گیانی لەدەستداوە.
رووداوەکە بەهۆی کێشەیەکی کۆمەڵایەتییەوە بووە و دوای رووداوەکەش کەسەکە هەڵاتووە و دەستگیرنەکراوە، بەڵام فەرمانی دەستگیرکردنی هەیە و هێزە ئەمنیەکان بەدوایدا دەگەڕێن”.
ئەو کەسەی کوژراوە ناوی محەمەد حاجییە و تەمەنی ٥٠ ساڵە.
