بەرێوەبەرایەتی پاسپۆرتی سلێمانی ، دەست بە پێدانی پاسپۆرتی ئەليکترۆنی بە هاوڵاتیان دەکات
بەرێوەبەرایەتی پاسپۆرتی سلێمانی راگەیەنراوێکی بڵاوکردەوە و تێیدا هاتووە، پێدانی پاسپۆرت بە سیستەمی کۆن رادەگیرێت و دەست بە پێدانی پاسپۆرتی ئەليکترۆنی بە هاوڵاتیان دەکرێت.
ئاماژە بەوەشکراوە، ئێستا ئامادەکاری بۆ جێبەجێ کردنی سیستمی نوێی پاسپۆرتی ئەليکترۆنی دەکرێت و داوا لە هاوڵاتیانی پارێزگای سلێمانی دەکەن لە رێکەوتی ١٦ و ١٧ی ئەم مانگە سەردانی بەرێوەبەرایەتی پاسپۆرتی سلێمانی نەکەن.
ئەوەشی خستووەتەڕوو، لە دوای ئەو رێکەوتەوە دەست بە پێدانی پاسپۆرتی سیستمی نوێی ئەليکترۆنی دەکرێت و رۆژانەش لەو بارەیەوە لە تۆڕی کۆمەڵایەتی تایبەت بە بەرێوەبەرایەتییەکە زانیاری بڵاودەکرێتەوە.
