بەڕێوەبەرێتی گشتی تەندروستی سلێمانی بڵاوی کردەوە، هەفتەی ڕابردوو یەکەم تووشبووی تای خوێنبەربوون لە پارێزگای سلێمانی ڕاگەیەندرا و لەدوای مانەوەی لەنەخۆشخانە و وەرگرتنی چارەسەری پزیشکی چاک بوەوە و هەر ئەمڕۆ ڕەوانەی ماڵەوەکراوەتەوە.
بەرێوەبەرایەتییەکە باسی لەوەکردووە، یەكەم تووشبووی تای خوێن بەربوون لەپارێزگای سلێمانی، ژنێكی تەمەن ٤٥ ساڵی خەڵكی شارۆچكەی چوارقوڕنە بوو، لەدوای وەرگرتنی چارەسەر و باشبوونی باری تەندروستی، ئەمڕۆ لەلایەن بەرێوبەر و پزیشك و ستافی نەخۆشخانەی شار بەچەپكەگوڵ ماڵئاوایی لێكرا و ڕەوانەی ماڵەوە كرایەوە.
نەخۆشی تای خوێنبەربوون، بەهۆی جۆرێکی ڤایرۆسەوە توشی مرۆڤ دەبێت و نیشانەکانی بریتین لە سەرئێشەی توند و هەوکردن و توشبون بە خوێنبەربونی توند لە تووشبووەکەدا.
