ڕەشەباکەی سلێمانی بووتە ڕێگر لە بەردەم هەوڵەکانی کوژراندنەوەی ئەو ئاگرەی چیای ئەزمڕی گرتووەتەوە.
لە بەیانی ئەمڕۆوە ئاگرێکی گەورە لە دیوی سیتەکی چیای ئەزمڕ لە سلێمانی کەوتووەتەوە.
شاهۆ عوسمان قائیمقامی قەزای چوارتا لە نزێك شوێنی ئاگرەکە قسەی بۆ پەیامنێری “تۆڕی میدیایی خەڵك” کرد و ڕایگەیاند، تا ئێستا هۆکاری ئاگرەکە دیار نییە.
ئەوەشی خستەڕوو کە هەموو تیمەکانی بەرگری شارستانی گەیشتوونەتە شوێنی ڕووداوەکە، بەڵام بە هۆی بوونی بایەکی بەهێز ڕێگرە لەبەردەم کۆنترۆڵکردنی ئاگرەکە.
