بۆ یەکەمجار لە دوای مانگی ئایارەوە نرخی بەرمیلێک نەوتی خاو گەیشتە سەرو ٨٠ دۆلار.
بەیانی ئەمڕۆ چوارشەممە، نرخی یەك بەرمیل نەوت خاوی برێنت بە ٧٩ دۆلار و ٧٠ سەنت مامەڵەی پێوەکرا، بەڵام ئەمشەو نرخەکەی بۆ ٨٠ دۆلار و ٢٠ سەنت بەرزبووەوە.
لە ڕۆژی ٢ی مانگی ئایارەوە ئەمە یەکەمجارە نرخی نەوت بەرزبوونەوەی لەو جۆرە بەخۆوە ببینێت.
هاوکات نرخی یەك بەرمیل نەوتی خاوی ئەمریکیش بۆ ٧٥ دۆلار و ٨٦ سەنت بەرزبووەوە.
هۆکاری سەرەکی بەرزبوونەوەی نرخی نەوت بۆ ئەوە دەگەڕێتەوە کە سعودیە و ڕووسیا خۆویستانە بڕیاریاندا ئاستی هەناردەکردنی نەوت کەمبکەنەوە.
