بەرنامەی “Threads” کە لەلایەن کۆمپانیای زەبەلاحی ئەمریکی مێتا گروپەوە بۆ ڕکابەریکردن لەگەڵ تویتەر خراوەتە بازاڕەوە، لە ماوەی کەمتر لە پێنج ڕۆژدا زیاتر لە 100 ملیۆن بەکارهێنەری بۆ خۆی ڕاکێشا، ئەمەش ژمارەی پێوانەیی شکاند کە پرۆگرامی زیرەکی دەستکردی “Chat GPT” بۆ خێراترین ئەپڵیکەیشنی گەشەسەندوو تۆماری کردبوو،
ڕۆژی دووشەممە،لە کاتێکدا کە چات جی بی تی دوو مانگی پێویست بوو بۆ گەیشتن بە ١٠٠ ملیۆن بەکارهێنەر، هەروەها ئەپڵیکەیشنی هاوبەشکردنی ڤیدیۆی تیک تۆک نۆ مانگی خایاند، بەڵام ئینستاگرام دوو ساڵ و نیوی خایاند تا گەیشتە ئەم ئاستە دوای ئەوەی لە ساڵی ٢٠١٠ دەستیپێکرد.
ئەپڵیکەیشنی “Threads” ئێوارەی ڕۆژی چوارشەممە لە فرۆشگا ئەلیکترۆنیەکانی “Apple” و “Android” لە ١٠٠ وڵاتدا بەردەست بوو، بەڵام تا ئێستاش لە ئەوروپا بەردەست نییە، چونکە مێتا دڵنیا نییە لە ڕادەی کاریگەریی یاساکانی یەکێتی ئەوروپا سەبارەت بە بەکارهێنانی داتای بەکارهێنەر.
تویتەر نزیکەی 200 ملیۆن بەکارهێنەری ئاسایی هەیە، بەڵام لە دوای ئەوەی ئیلۆن ماسک ساڵی ڕابردوو پلاتفۆرمەکەی کڕییەوە و هەزاران کارمەندی لە کارکردن دوورخستەوە، دووچاری شکستی تەکنیکی بووە.
وە ئەپلیکەیشنەکە پشتی بە خستنەبازاڕی بەستووە لەسەر بنکەی بەکارهێنەرانی ئینستاگرام کە دوو ملیار ئەکاونت تێدەپەڕێنێت، ئەمەش تەحەدای بۆ دابین دەکات کە لە سفرەوە دەستپێبکات.
وە “Threads ” گەورەترین تەحەدایە بۆ تویتەر و خاوەنەکەی، ئیلۆن ماسک، کە تا ئێستا سەرکەوتوو بووە لە بەرپەرچدانەوەی هەر ڕکابەرێکی ئەگەری لە بەرنامە و سایتەکانی هاوشێوە کە سەریان هەڵداوە وەک “ئاسمانی شین” و “ماستۆدۆن”.
خزمەتگوزاری بەدواداچوونی زانیارییەکان کۆمپانیای Quiver Quantitative ڕایگەیاندووە، ئەپەکە لە کاتژمێر 7:00 بە کاتی گرینگ 100 ملیۆن بەکارهێنەری تێپەڕاندووە.
ماسک هەڕەشەی سکاڵا لەسەر مێتا دەکات بەهۆی دزینی نهێنی بازرگانی و خاوەندارێتی هزری، ئەو تۆمەتانە لەلایەن ئەو کۆمپانیایە ڕەتکرایەوە کە خاوەنی فەیسبووک و واتسئەپیشە.
