بەهۆی دوو ڕووداوی هاتووچۆوە پێنج كەس برینداربوون و گەیەنرانە نەخۆشخانە یەكێك لە بریندارەكان منداڵە.
بەڕێوەبەرایەتی هاتووچۆی گەرمیان لە ڕاگەیەنراوێكدا ئاماژەی بەوەكردووە، پاش نیوەڕۆی ئەمڕۆ (یەك شەممە) لە دوو ڕووداوی هاتووچۆدا پێنج كەس برینداربوون، ڕووداوی یەكەم لەناو شاری كەلار و نزیك قەڵای شێروانە ڕوویدا، ئۆتۆمبێلێكی جۆری جێب چیرۆكی بەئاڕاستەی گردەگۆزینە ڕۆشتوە و كۆنتڕۆڵی لەدەستداوە و ڕۆشتوەتە نێوان هەردوو شەقامەكە و زیانی بە ستونێكی ڕووناكی گەیاندوە و شۆفێر و سەرنشێنكی بریندار بوون.
ڕاشیگەیاندووە، ڕووداوی دووم پێكدادانی دوو ماتۆڕسكیل بوو لەخانەقینەوە بە ئاراستەی گوندی ساڵەح ئاغا هاتوون و پێكیانداداوە، بەهۆیەوە سێ كەس بریندار بوون، یەكێكیان منداڵێكی حەوت ساڵانە.
ئاماژەی بەوەشكردووە، بریندارەكان بەمەبەستی وەرگرتنی چارەسەر گەیەنرانە نەخۆشخانەی فریاكەوتنی شەهید هەژار لە كەلار و لەلایەن تیمی هاتووچۆوە لێكۆڵینەوە لە ڕووداوەكە بەردەوامە.
