بەڕێوەبەرایەتی گشتی تەندروستی سلێمانی ڕایدەگەیەنێت، لە سەرەتای ئەمساڵەوە تاوەكو 30ی حوزەیران لە نەخۆشخانە حكومی و ئەهلییەكان نزیكەی 11 هەزار منداڵ لەدایكبوون.
سامان شێخ لەتیف، وتەبێژی بەڕێوەبەرایەتی گشتی تەندروستی سلێمانی بۆ (خەڵك) ڕایگەیاند، لە 6 مانگی ئەمساڵدا، واتە لە۱/۱ بۆ ۲۰۲۳/٦/۳۰ لە نەخۆشخانەكانی پارێزگای سلێمانی (۱۰ هەزار و 711) منداڵ لەدایکبوون.
ڕوونیشی كردەوە، لەنەخۆشخانە حکومییەکانی تەندروستیی سلێمانی (٦ هەزار و ٦٦٤) منداڵ لەدایكبوون، كە دەكاتە ڕێژەی (٦٢%) لە نەخۆشخانە ئەھلیەکانیش (٤ هەزار و 47) منداڵ لەدایكبوون، كە دەكاتە ڕێژەی (٣٨%).
