لە ڕووداوێكی هاتووچۆدا لەسەر ڕێگای هامڵتۆن، پێنج كەس بریندار دەبن.
بەڕێوەبەرایەتی هاتووچۆی سۆران لە ڕاگەیەنراوێكدا ئاماژەی بەوەكردووە، ڕووداوێكی هاتووچۆ لە جۆری پێكدادان لەنێوان دوو ئۆتۆمبێلی تایبەتی نیسان سێنترا (ڕەنگی ڕەش و سپی) لەسەر ڕێگای هامڵتۆن لە نزیك گوندی ڕەشەكەل ڕوویدا.
ڕاشیگەیاندووە، لە ئەنجامی ڕووداوەكە پێنج كەس بریندار بوون.
بەڕێوەبەرایەتی هاتووچۆی سۆران داوا لە شۆفێران دەكات پابەندی هێما و رێنمایەکانی هاتووچۆ بن بۆ سەلامەتی هەموو لایەک.
