بەهۆی تەمومژی چڕ و كەمبوونەوەی مەودای بینین، گەشتە ئاسمانییەكانی فڕۆكەخانەی نێودەوڵەتی بەغدا راگیران.
جیهاد دیوان بەڕێوبەری راگەیاندنی دەسەڵاتی فڕۆكەوانی عێراق، ڕایگەیاندووە، بەهۆی تەمومژێكی چڕ لە ئاسمانی بەغدا و كەمبوونەوەی مەودای بینین لە بەشێكی شارەكانی عێراق، گەشتە ئاسمانیەكانی فڕۆكەخانەی نێودەوڵەتی بەغدا ڕاگیران.
ئاماژەی بەوەشدا هەركاتێك كەشوهەوا ئاسایی بێتەوە گەشتەكان دەستپێدەكەنەوە.
ئەوە لەكاتێكدایە هەر ئەمڕۆ بەهۆی بوونی تەمومژەوە گەشتەكانی فڕۆكەخانەی نێودەوڵەتی هەولێر ڕاگیران.
