شارەزایەکی کەشناسی رایگەیاند، لە سەرەتای هەفتەی داهاتووە وە پلەکانی گەرما نزمدەبنەوە.
شاڵاو هیدایەت، شارەزای بواری کەشناسی لەڕاگەیەندراوێکدا بڵاویکردووەتەوە، بەهۆی دابەزینی بارستە هەوایەکی فێنک لەرۆژهەڵاتی ئەوروپاوە بۆ سەر ڕۆژهەڵاتی ناوەڕاست و ناوچەکە، لەسەرەتای هەفتەی داهاتووەوە پلەکانی گەرما دادەبەزن بۆ ماوەیەک.
ئەو شارەزایەی بواری کەشناسی دەشڵێت:”لەسەرەتای هەفتەی داهاتوو تاوەکو کۆتایی هەفتەی داهاتووتر پلەکانی گەرما لەسەرجەم ناوچەکان بەڕێژەی 2-4 پلەی سیلیزی نزمدەبنەوە، لەم مەودایەشدا بای شەماڵیش بوونی دەبێت بەخێرایی 5 تا 25 کیلۆمەتر لەکاتژمێرێکدا، بەشێک لەکاتەکانیش چالاک دەبێت بەخێرایی 15 تا 25 کیلۆمەتر لەکاتژمێرێکدا تایبەت لەکاتەکانی دوانیوەڕۆوە”.
ئاماژەی بەوەشکردووە:”ئەو ڕەشەبایەی چەند ڕۆژێکە چالاکە لەسەر ناوچە جیاوازەکان کاتەکانی دوانیوەڕۆی سبەی هەینیەوە بەدواوە بەرەو کوتایی دەڕوات و دەیخات”.
