وەزارەتی پێشمەرگە و بەرگری ئەمریکا تاوتوێی جێبەجێکردنی لێکتێگەیشتنی نێوانیان دەکەن
ئامادەکارییەکان بۆ جێبەجێکردنی خاڵەکانی لێکتێگەیشتنی ھەردوو وەزارەتی پێشمەرگە و بەرگری ئەمریکا تاوتوێ دەکرێن.
راگەیاندنی وەزارەتی پێشمەرگە بڵاویکردوەتەوە، فەریق روکن عیسا عوزێر سەرۆکی ئەرکانی وەزارەتی پێشمەرگە، لەگەڵ کۆڵۆنێڵ جیم ھەنتەر لێپرسراوی تیمی راوێژکارانی ھێزەکانی ھاوپەیمانان لە ھەرێمی کوردستان ،کۆبووەوە و باسیان لە چاکسازی وەزارەتی پێشمەرگە کرد لە چوارچێوەی خاڵەکانی رێککەوتننامەی لێکتێگەیشتنی نێوان وەزارەتی ھەردوو پێشمەرگە و بەرگری ئەمریکا، بە مەبەستی رێکخستنەوە و یەکخستنی تەواوی ھێزەکانی پێشمەرگە.
ئاماژە بەوەشکراوە، ھەر لەو کۆبوونەوەیەدا گفتوگۆ لە بارەی ئەو ئامادەکارییانە کراون بۆ جێبەجێکردنی خاڵەکانی لێکتێگەیشتنی نێوان ھەردوولا.
