بەڕێوەبەرایەتی گشتی کارەبای سلێمانی، کارەبای ئەو هاووڵاتییانە دەبڕێت کە هاوبەشی کارەبایان نەکردووە.
ئەمڕۆ سێشەممە، بەڕێوەبەرایەتی گشتی کارەبای سلێمانی ڕایگەیاند، ئاگاداری هاوبەشانی کارەبا دەکەینەوە کە هاوبەشی کارەبایان نەکردووە تاوەکو بەرواری 10/7 سەردانی بەڕێوەبەرایەتیەکانی کارەبا بکەن بۆ هاوبەشی کردن بەشێوەی فەرمی.
ڕوونیشیکردەوە ئاگادارییەکە تایبەتە بە هاوبەشەکانی هەریەک لە پڕۆژە نیشتەجێبووەکانی بەرزاییەکانی سلێمانی، بەرزاییەکانی قەیوان، پاشاستی و قەیوان ستی.
کارەبای سلێمانی ڕاشیگەیاند هەر هاوبەشێك تا 10ی ئەم مانگە سەردانیان نەکات، ئەوا لەو ڕۆژە بەدواوە بەپێوەری زیرەک کارەباکەیان دەکوژێنرێتەوە.
