ئێمە لە تۆرە کۆمەڵایەتیەکان

عێراق

دوو حاجی تر لە سعودیە كۆچی دواییان كرد

خەڵك- بەشی هەواڵ
نێردەی حەجی عیراقی، گیان لەدەستدانی دوو حاجی تری لە شارەكانی مەككە و مەدینەی پیرۆز ڕادەگەیەنێت.

حەسەن فەهد كینانی، وتەبێژی نێردەی حەجی عیراقی لە بەیاننامەیەكدا ڕایگەیاندووە، “حاجییەكی پارێزگای بابل بە ناوی (یەحیا جابر كازم) لە دایكبووی 1954 ئەمڕۆ كۆچی دوایی كردووە و لەسەر داوای كەسوكاریی لە مەككەی پیرۆز بەخاك دەسپێردرێت”.

ڕاشیگەیاندووە، “حاجییەكی تری دانیشتووی پارێزگای سەڵاحەدین بە ناوی (ڕەبیع ڕەشید محەمەد) لەدایكبووی 1951 كۆچی دوایی كردووە و لەسەر داوای كەسوكارەكەی لە شاری مەدینەی پیرۆز بەخاك دەسپێردرێت”.

دوێنێ‌ یەك شەممە نێردەی حەجی عیراقی، گیان لەدەستدانی دوو حاجی لە پارێزگاكانی كەربەلا و كەركوك لە مەككەی پیرۆز، ڕاگەیاندبوو، هاوكات هەفتەی ڕابردوو یەكەم حاجی كورد-ی خەڵكی گەرمیان لە سعودیە كۆچی دوایی كردبوو.

عێراق

ھەڵبژاردنی ئەنجومەنی پارێزگاکان دەکەوێتە ساڵی داھاتووەوە

خەڵک-

سەرەڕای ئەوەی رۆژی ٢٢ ـی ئەمانگە بۆ ئەنجامدانی ھەڵبژاردنی ئەنجومەنی پارێزگاکانی عیراق لە لایەن خولی پێشووی پەرلەمانەوە دیاریکرابوو، تا ئێستاش ھیچ جوڵەیەک لەسەر ئەو بابەتە نییە و ئەندامێکی ئەنجومەنی کۆمیسیارانی ھەڵبژاردنیش بە دووری دەزانێت لەمساڵدا ئەو ھەڵبژاردنە  بکرێت.

حازم محه‌ممه‌د ره‌دینی، ئه‌ندامی ئه‌نجومه‌نی كۆمسیاران له‌ كۆمسیۆنی باڵای سه‌ربه‌خۆی هه‌ڵبژاردنه‌كانی عێراق له‌ لێدوانێكی رۆژنامه‌وانیدا رایگه‌یاند: “به‌هۆی وه‌ستانی كاره‌كانی كۆمسیۆن بۆ چه‌ند مانگێك، ئه‌سته‌مه‌ هه‌ڵبژاردنی ئه‌نجومه‌نی پارێزگاكان له‌ واده‌ی دیاریكراوی خۆی ئه‌نجام بدرێت، هۆكارێکی دیکەش بۆ دواخستنی ئەو ھەڵبژاردنە ئەوەیە،‌ نزیك بە ٨٥٠ هه‌زار ده‌نگده‌ری نوێ (له‌دایكبووانی ساڵی ٢٠٠١) دێنه‌ ناو تۆماره‌كانی ده‌نگدان، پێداچوونه‌وهش‌ به‌ تۆماره‌كان و نوێكردنه‌وه‌یان و ده‌ركردنی كارتی نوێی ده‌نگدان و دابه‌شكردنی كارته‌كان، پێویستی به‌ كاتێكی زۆره.”

ئەوەشی ڕاگەیاند: “لە ئێستادا کۆمسیۆن له‌گه‌ڵ حكومه‌ت و په‌رله‌مانی عیراق له‌ په‌یوه‌ندیدان بۆ دیاریكردنی کاتێکی نوێ بۆ ئه‌نجامدانی هه‌ڵبژاردنی ئه‌نجومه‌نی پارێزگاكان و بێگومان ئەو وادەیەش دەکەوێتە ساڵی داھاتووەوە.”

 

بەردەوام بە لە خوێندنەوە

عێراق

بڕی عیراق لە کەمکردنەوەی ھەناردەی نەوت ڕاگەیەنرا

خەڵک-

لەسەر بنەمای ڕێکەوتنی وڵاتانی بەرھەمھێنی نەوت لە ڕێکخراوی ئۆپێک و دەرەوەی ڕێکخراوەکە، دەبێت عیراق لە سەری ساڵی نوێوە رۆژانە بڕی ١٣٩ ھەزار بەرمیل نەوت لە ھەناردەی خۆی کەمبکاتەوە، وەک ئەوەی وەزیری نەوتی عیراق ئاماژەی پێکردووە.

ئەمڕۆ سامر سامر غەزبان وەزیری نەوتی عێراق رایگەیاند: لەسەر بنەمای ڕێکەوتنی وڵاتانی بەرھەمھێنی نەوت لە ڕێکخراوی ئۆپێک و دەرەوەی ڕێکخراوەکە، دەبێت عیراق لە سەری ساڵی نوێوە رۆژانە بڕی ١٣٩ ھەزار بەرمیل نەوت لە ھەناردەی خۆی کەمبکاتەوە، تا بتوانرێت ھاوسەنگی بۆ نرخی نەوت بگێڕدرێتەوە.

ئەوەشی ڕاگەیاند: بەپێی ڕێکەوتنەکە، سەرجەم وڵاتانی بەشدار لەو ڕێکەوتنە، دەبێت رۆژانە ١ ملیۆن و ٢٠٠ ھەزار بەرمیل نەوت لە ھەناردەی خۆیان کەمبکەنەوە، ٨٠٠ ھەزار بەرمیلی بەر وڵاتانی ڕێکخراوی ئۆپێک و ٤٠٠ ھەزاریشی بەر وڵاتانی دەرەوەی ڕێکخراوەکە دەکەوێت، عێراق خواستی ئەوەی هەبوو بڕیاری کەمکردنەوەی بەرهەمهێنانی نەوت بۆ ماوەی یەک ساڵ بێت، بەڵام وڵاتانی دەرەوەی ئەندام لە ئۆپیک داوایان کرد رێککەوتنەکە بۆ ماوەی شەش مانگ بێت و دواتر بە پێی خواستی ئەوکات نوێ بکرێتەوە.”

سامر عەزبان ئاماژەی بەوەش کردووە، عێراق رۆڵێکی کاریگەری و ئەرێنی هەبوو لە گەیشتن بەو بڕیارە بە هەماهەنگی لەگەڵ وڵاتانی دیکەی ئەندام لە رێکخراوەکە وەک سعودیە و ئیمارات، هەروەها روسیاش رۆڵی ئەرێنی هەبوو لە ڕازی کردنی بەشێک لە وڵاتانەکان بە ڕێکەوتنەکە.”

بڕی عیراق لە کەمکردنەوەی بەرھەمھێنان لە ڕێکەوتنی ھاوشێوەی پێشوو ٢٢٠ ھەزار بەرمیلی رۆژانە بوو، بەڵام ئێستا ئەو بڕە بۆ ١٣٩ ھەزار ھێنراوەتە خوار.

وەزیری نەوتی عیراق دەڵێت: ئەو کەمکردنەوەیە لای ئەوان پەسەندە، بە تایبەت نرخی بەرمیلێک نەوت لە پرۆژە یاسای بودجەی ساڵی ٢٠١٩ بە ٥٦ دۆلار خەمڵێنراوە، سەرە ڕای خەمڵاندنی کورتھێنان بە رێژەی ٢٠٪، بۆیە پێویستمان بە نرخی باشترە بە کرداریی نەک بە پلان و وتار.

عێراق لەدوای سعودیە بە دووەم وڵاتی گەورەی بەرهەمهێنەری نەوت لە ئۆپێک دادەنرێت و ئاستی بەرهەمهێنانی رۆژانەی دەگاتە نزیکی ٤ ملێۆن ٥٠٠ هەزار بەرمیل.

بەردەوام بە لە خوێندنەوە

عێراق

كاتی كردنەوەی ڕێگاكانی ناوچەی سەوزی بەغدا ڕاگەیەنرا

خەڵك-بەشی هەواڵ

لیژنەی ئەمنی لە ئەنجومی پارێزگای بەغدا ئاشكرای دەكات، جگە لە ڕێگاكانی هاتوچۆی باڵیۆزخانەكان، ئەمڕۆ بڕیاری كردنەوەی ڕێگاكانی هاتوچۆی ناوچەی سەوز بەڕووی هاووڵاتیان دراوە.

محەمەد ڕەبیعی، جێگری سەرۆكی لیژنەی ئەمنی ئەنجومەنی پارێزگای بەغدا ڕایگەیاند، ڕێگاكانی ناوچەی سەوز سبەینێ دوو شەممە بەبۆنەی ڕۆژی سەركەوتن لە كاتژمێر 9ی سەرلەبەیانی تاكو 6ی ئێوارە بۆ ماوەی دوو هەفتە بەردەوام دەكرێنەوە.

وتیشی، “لە ئەگەری سەركەوتن و بەردەوامی پارێزراوی ئەمنیەتی ناوچەكە، بە بەردەوامی و بەشێوەیەكی سروشتی ڕێگاكان دەكرێنەوە”.

ڕونیشیكردەوە، لایەنە ئەمنییەكان هەموو چارەسەرێكیان بۆ مەبەستی هاتوچۆ لە ناوچەی سەوز دابین كردووە و هاتوچۆ ئاساییە جگە لە هاتوچۆی ئۆتۆمبێلی بێ ژمارە و ئۆتۆمبێلی بارهەڵگرەكان.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین